Fampidirana ny Fizarana 10

I Jehovah no Mpanjakan’izao rehetra izao. Afaka mifehy ny zava-drehetra izy, na taloha na amin’izao na amin’ny hoavy. Novonjeny, ohatra, i Jeremia, rehefa natsipy tao anaty lavaka ka saika maty tao. Novonjeny tao anaty lafaoro misy afo mivaivay koa i Sadraka sy Mesaka ary Abednego. I Daniela indray novonjeny tsy hohanin’ny liona. Nampiany koa i Estera ka afaka namonjy ny Jiosy rehetra. Tsy havelan’i Jehovah hisy mandrakizay ny ratsy fanahy. Manome toky ilay faminaniana momba ny sarivongana sy hazo ngezabe fa kely sisa dia handringana ny ratsy fanahy rehetra ny Fanjakan’i Jehovah, dia avy eo hitondra ny tany.