ABIDANA

(Abidàna) [Ny Ray (Raiko) no Nitsara].

Mpiadidy teo amin’ny fokon’i Benjamina rehefa nisaina ny Israely, tamin’ny taona faharoa taorian’ny fanafahana avy tany Ejipta. (No 1:11, 16) Izy no lohan’ireo Benjamita 35 400 lahy (20 taona no ho miakatra), izay nitoby teo andrefan’ny tranolay masina.​—No 2:18, 22, 23.

Rehefa vita ny tranolay masina ka notokanana (1512 T.K.), dia nitondra fanatitra ny mpiadidy tsirairay nandritra ny 12 andro. Tsy nifaninana izy ireo fa samy nanolotra vilia sy kaopy vita tamin’ny volafotsy na volamena, izay nitentina 1720 dolara teo ho eo, niampy varimbazaha, menaka, emboka manitra ary biby fiompy. Izany koa no natolotr’i Abidana tamin’ny andro fahasivy. (No 7:10, 60-65) Maty tany an-tany efitra izy, tamin’ilay dia naharitra 40 taona.​—No 14:29, 30.