AKRABIMA

(Akrabìma) [Maingoka].

Fiakarana teo amin’ny ilany atsimoatsinanana amin’ny sisin-tanin’i Joda rehefa nozaraina tamin’ny Israely ny tany Kanana. (No 34:4; Mpts 1:36) Tokotokony ho 29 km tany atsimoandrefan’ny tendrony atsimon’ny Ranomasina Maty no nisy azy io, tany akaikin’ny Tany Efitr’i Zina. Misy mihevitra azy io ho i Nakb es-Safa (Maʽale ʽAkrabbim) ankehitriny. Eo no mitsontsorika tampoka mankeo amin’ny Lohasaha Falehan-driaka Morra (Nahal Zina) ny lalana mampitohy an’i Beri-sheba sy Araba. Mety ho noho ilay tany efitra be maingoka, na noho ny lalana any mifaingoka imbetsaka toy ny rambon’ny maingoka no niavian’ny anarany. Io lalana io fahiny no narahin’izay te hidina ho any Edoma sy hianatsimo tany ʽAkaba (Hoalan’i ʽAkaba).