ANERA

(Anèra).

1. Lehilahy kananita. “Nanao fifanekena” (“mpiray dina”, BFC; Da [frantsay]) tamin’i Abrahama i Anera sy ny rahalahiny roa, dia i Mamre sy Eskola. (Ge 14:13) Nadika avy tamin’ilay teny hebreo hoe baʽaleh verit ilay teny nadika hoe “nanao fifanekena.” Midika ara-bakiteny hoe “tompon’ny fifanekena” io teny hebreo io. Tsy dia fantatra loatra hoe karazana fifanarahana inona no nisy teo amin’izy telo mirahalahy sy Abrahama: Nifanaraka ve izy ireo hoe hifamonjy rehefa tafihin’ireo firenena tia ady nanodidina azy, sa kosa izy ireo mihitsy no nifanaraka hoe tsy hifanafika? Nanao zavatra ireo olona “nanao fifanekena” tamin’i Abrahama ireo, rehefa lasa babo i Lota zana-drahalahin’i Abrahama satria nisy mpanjaka maromaro nanafika ny tanànany. Niaraka tamin’i Abrahama (izay nitoby tany amin’ny hazoben’i Mamre) sy ireo mpanompony voaofana 318 i Anera sy ny rahalahiny. Niainga avy tany amin’ny hazoben’i Mamre izy ireo ka nankany Dana, 200 km teo ho eo tany avaratra avaratratsinanana, ary nihoatra an’i Damaskosy mihitsy avy eo. Nandresy izy ireo. Tsy nety naka tamin’ny zavatra voababo i Abrahama. Nataony kosa izay nahazoan’izy telo mirahalahy ny anjarany avy, mba hampisehoany fa nanaja an’ilay “fifanekena” izy.​—Ge 14:24; jereo FIFANARAHANA.

2. Tanàna tao amin’ny faritanin’ny fokon’i Manase, ary nomena an’ireo fianakavian’ny taranak’i Kehata. (1Ta 6:70; Js 21:26) Misy manam-pahaizana mihevitra fa ilay Tanaka resahin’ny Josoa 21:25 ihany ity tanàna ity.​—Jereo TANAKA.