ARA

(Àra).

1. Zanakalahin’i Jatera avy amin’ny fokon’i Asera.​—1Ta 7:30, 38.

2. Zanakalahin’i Ola avy amin’ny fokon’i Asera.​—1Ta 7:30, 39.

3. Lohan’ny fianakaviambe iray. Nisy tamin’io fianakaviambe io niala tany Babylona ka niverina tany Jerosalema niaraka tamin’i Zerobabela. (Ezr 2:1, 2, 5; Ne 7:6, 7, 10) Ray na razamben’i Sekania rafozan’i Tobia Amonita i Ara.​—Ne 6:18.

4. [mety hidika hoe Tanàna]. Tanànan’i Moaba, angamba renivohiny. Tany amin’ny ilany atsimon’ny Lohasahan’i Arnona no nisy azy io, saingy tsy fantatra hoe taiza ho aiza tany. (No 21:15) Antsoina hoe Ara i Moaba indraindray. (De 2:9, 18, 29) Nisy fotoana, tonga hatrany avaratr’i Arnona ny sisin-tanin’i Moaba. Nalain’i Sihona mpanjakan’ny Amorita anefa io faritra io tatỳ aoriana. (No 21:26-28) Tsy nanafika an’i Moaba ny Israelita, satria tsy navelan’i Jehovah. Efa nomen’i Jehovah ho ‘fananan’ny’ taranak’i Lota mantsy ny “faritr’i Moaba, izany hoe Ara.” (De 2:9, 18, 29) Rehefa naminany i Isaia hoe ho lao i Moaba, dia nambarany koa fa ‘hangina’ i Ara sy ireo tanàn-dehibe hafa tao Moaba.​—Is 15:1.

Misy milaza fa i Ara ihany ilay “tanànan’i Moaba” (heb.:ʽir Môhʼav) resahin’ny Nomery 22:36, sy ilay “tanàna” resahin’ny Deoteronomia 2:36, satria azo adika hoe “Tanàna” ny hoe Ara.