ARMONY

(Armòny) [Avy ao Amin’ny Tilikambo Fonenana; Teraka tao Amin’ny Tilikambo Fonenana].

Iray tamin’ireo roa lahy zanak’i Saoly tamin’i Rizpa vadikeliny. Meloka ho nandatsa-dra i Saoly, ka mba hanonerana izany dia nomena hovonoin’ny Gibeonita ny fito tamin’ny taranany, anisan’izany i Armony. Nahanton’ny Gibeonita teo an-tendrombohitra ny fatin’izy ireo, ka nambenan’i Rizpa foana mba tsy hoviravirain’ny vorona na biby, mandra-pandevin’i Davida ny taolambalon’izy ireo.​—2Sa 21:5-14.