ARPAKSADA

(Arpaksàda).

Zanakalahin’i Sema. Teraka roa taona taorian’ny Safodrano izy, izany hoe tokotokony ho tamin’ny 2368 T.K., ary maty 438 taona tatỳ aoriana. Anisan’ny razamben’ny Hebreo izy, avy tamin’i Ebera zafikeliny. (Ge 10:22, 24; 11:10-13; 1Ta 1:17-27) Resahina hoe rain’i Sela izy. Hita ao amin’ny Lioka 3:35, 36 anefa fa toa raiben’i Sela izy, satria i Kenana no resahin’i Lioka hoe zanak’i Arpaksada. Jereo KENANA No. 2.​—Ge 10:24; 11:12; 1Ta 1:24.