ASIMA

(Asìma).

Andriamanitra nivavahan’ireo olona avy any Hamata, izay napetraky ny mpanjakan’i Asyria tany Samaria ho solon’ny Israelita nataony sesitany. (2Mp 17:24, 30) Toy ny osilahy tsy misy volo i Asima, araka ny Talmoda babylonianina (Synedriona 63b), ka misy mihevitra fa i Pan, andriamanitry ny fahavokarana sy ny mpiandry ondry, ihany no Asima. Misy indray milaza fa mety ho niniana novana ilay hoe “Aseraha” (andriamanibavin’ny fahavokarana nivavahan’ny Kananita) ary natambatra tamin’ilay teny hebreo hoe ʼasham (“heloka”; Ge 26:10) mba hahazoana an’ilay hoe Asima. Tsy misy fanazavana tena azo antoka anefa ankoatra an’izay voalazan’ny Baiboly.