ASRIELA

(Asrièla).

Taranak’i Manase, sady lohan’ny fianakavian’ny Asrielita. Voalazan’ny Nomery 26:29-31 fa i Asriela dia zafiafin’i Manase avy tamin’i Makira zanany, sy Gileada zafikeliny. Lazain’ny 1 Tantara 7:14 anefa fa zanak’i Manase tamin’ilay vadikeliny syrianina i Asriela. Nahoana? Mariho fa misy fanampim-panazavana toy izao avy eo: “Niteraka an’i Makira rain’i Gileada koa izy io.” Matetika no midika hoe taranaka ny teny hoe “zanaka” ao amin’ny tetirazana ao amin’ny Baiboly. Ny hoe “zanak’i” Manase àry i Asriela, dia mety hidika hoe taranany izy (taranak’i Manase avy tamin’i Makira, ary i Makira kosa zanak’i Manase tamin’ilay vadikeliny syrianina). Izao koa anefa no mety ho dikany: Mety ho nanan-janaka sy zafiafy samy nantsoina hoe Asriela i Manase. Anisan’ireo taranak’i Manase nomen’i Josoa anjara lova tao amin’ny Tany Nampanantenaina ny “taranak’i Asriela.”​—Js 17:1-4.