ATAHY

(Atà) [fanafohezana ny hoe Ataia].

1. Zafikelin’i Sesana, ary taranak’i Joda avy tamin’i Hezrona. Vavy daholo ny zanak’i Sesana ary nomeny ho vadin’i Jara, mpanompony ejipsianina, ny iray tamin’ireo ka niteraka an’i Atahy. I Atahy kosa no rain’i Natana.​—1Ta 2:25, 34-36.

2. Anisan’ireo Gadita 11 mahery fo, izay niampita an’i Jordana mba hiaraka tamin’ny tafik’i Davida tany an-tany efitra. Tondraka i Jordana tamin’izay.​—1Ta 12:8, 11-15.

3. I Atahy no faharoa tamin’izy efa-dahy zanak’i Maka tamin’i Rehoboama. Zafikelin’i Absaloma i Maka, sady vady tian’i Rehoboama indrindra. Zafikelin’i Solomona àry i Atahy sady rahalahin’i Abia (Abiama) Mpanjaka.​—2Ta 11:20, 21.