AZELA

(Azèla) [Lehilahy Miavaka].

1. Taranak’i Saoly avy tamin’i Jonatana. Nanan-janakalahy enina izy.​—1Ta 8:33-38; 9:43, 44.

2. Toerana resahin’ny Zakaria 14:5. Voalaza ao fa nipaka hatrany Azela ilay lohasaha, izay nanjary nisy rehefa nitresaka ny Tendrombohitra Oliva. Tsy maintsy tany akaikin’i Jerosalema àry no nisy an’i Azela. Mety ho io anarana io no mbola hita ao amin’ny anaran’ilay Lohasaha Falehan-driaka hoe Yasol (Nahal Azal), izay sampan’ny Lohasaha Kidrona ihany, saingy avy any amin’ny Tendrombohitra Oliva.