AZMAVETA

(Azmavèta) [Mahery ny Fahafatesana].

1. Iray tamin’ireo lehilahy mahery fo tao amin’ny tafik’i Davida. Baromita (Baharomita) izy. (2Sa 23:31; 1Ta 11:33) Mety ho izy ihany ilay Azmaveta No. 2.

2. Rain’i Jeziela sy Peleta, anisan’ny fokon’i Benjamina. Lehilahy matanjaka ireo zanany roa lahy ireo, ary niandany tamin’ny tafik’i Davida tany Ziklaga. (1Ta 12:1-3) Mety ho izy ihany ilay No. 1.

3. Zanakalahin’i Adiela. Io Azmaveta io no niandraikitra ny zava-tsarobidin’ny mpanjaka, tamin’ny andron’i Davida Mpanjaka.​—1Ta 27:25.

4. Taranak’i Saoly avy tamin’i Jonatana, ary taranany fahenina.​—1Ta 8:33-36; 9:39-42.

5. Tanàna tao amin’ny tanin’i Benjamina, ary antsoina koa hoe Beti-azmaveta. Anisan’ireo niverina avy tany an-tsesitany ny olona tao. (Ezr 2:1, 24; Ne 7:28) Nisy tamin’izy ireo nihira tamin’ny fitokanana ny mandan’i Jerosalema voaorina indray. (Ne 12:29) Maro no milaza azy io ho i Hizmeh (Hizma), tokony ho 8 km any avaratra avaratratsinanan’i Jerosalema, eo anelanelan’i Geba sy Anatota.