BETI-BARA

(Bèti-bàra) [Tranon’i Bara].

Rehefa nenjehin’ny tafik’i Gideona ny Midianita dia nasain’i Gideona nametraka olona teo amin’ireo “toerana fiampitana hatrany Beti-bara sy ny Reniranon’i Jordana” ireo lehilahy tao Efraima (Mpts 7:24), mba hanakanana an’ireo fahavalo tsy hiampita an’i Jordana. Teo amin’ny Lemaka Ivan’i Jezirela io ady io, ka azo inoana fa tany andrefan’i Jordana i Beti-bara. (Mpts 6:33) Tsy fantatra ny tena toerana nisy azy. Misy milaza anefa hoe teo anelanelan’ny Lohasaha Falehan-driaka Farʽah sy ny Reniranon’i Jordana izy io. Paikady toy ny an’i Gideona no narahin’i Ehoda, tamin’izy niady tamin’ny Moabita rehefa “azony ireo toerana fiampitana ny Reniranon’i Jordana, mba hanakanana ny Moabita.”​—Mpts 3:27, 28.