TRANO FANETEZANA ONDRY

Toerana teo amin’ny lalana nampitohy an’i Jezirela sy Samaria. Nisy lavaka fanangonan-drano teo akaikin’izy io, ary teo no novonoin’i Jeho ny rahalahin’i Ahazia mpanjakan’ny Joda. (2Mp 10:12-14) Rehefa jerena ilay anarana, dia toa trano izy io, ary toa nofatorana ny ondry tao mba ho mora hetezana. Beht-ʽeked ny teny hebreo nadika hoe trano fanetezana ondry. Misy Baiboly mandika an’io teny hebreo io hoe “trano fihaonana”, izany hoe trano fatoriam-bahiny ary tao no nihaona ny “mpiandry ondry” (harôʽim). Misy kosa mihevitra azy io ho anaran-tanàna, ka tsy nandika an’ilay teny fa ireo litera hebreo fotsiny no nadikany. Maro no mihevitra azy io ho i Beit Kad (Bet Kad), tokotokony ho 6 km any atsinanana avaratratsinanan’i Jenina ankehitriny. Ahitana lavaka fanangonan-drano maromaro any amin’io toerana io.