BOZEZA

(Bozèza).

Anaran’ny iray tamin’ireo harambato roa miendrika nify, voaresaka tamin’ny nandresen’i Jonatana ny Filistinina. (1Sa 14:4-14) Nahita an’ireo harambato roa ireo i Jonatana rehefa nitady lalana hiampitana mba hanafihana ny toby mpitilin’ny Filistinina. Teo avaratra tandrifin’i Mikmasy (toerana nitobian’ny Filistinina) ny harambato iray, ny iray kosa teo atsimo tandrifin’i Geba. (1Sa 13:16; 14:5) Eo anelanelan’i Mikmasy sy Geba no misy ny Lohasaha Falehan-driaka Soveinita (Nahal Mikmas), izay midina mankany Jordana, ary lasa hadilanana lalina be izy io eo atsinanana kelin’i Mikmasy sy Geba. Voalaza fa teo amin’ilay fiolahana be teo amin’io lohasaha io no nisy an’ireo harambato roa ireo, na dia mbola iadian-kevitra aza ny tena toerana nisy azy ireo.