HATSARAM-BIKA

Avy amin’ny hoe hen (heb.), izay midika koa hoe ‘ankasitrahana’ (Ge 6:8), mahafinaritra, tsara bika na tsara fitondran-tena. “Manintona sy mahay manangoly [heb.: hen]” ny mpivaro-tena (Na 3:4), nefa “mamitaka ny hatsaram-bika [heb.: hen], ary zava-poana ny hatsaran-tarehy, fa ny vehivavy matahotra an’i Jehovah no hahazo dera.” (Oh 31:30) “Ny vehivavy mahafinaritra [heb.: hen] [koa] no mahazo voninahitra.” (Oh 11:16; jereo koa Oh 5:18, 19, izay andikana ny hen hoe “mahafatifaty.”) Toy ny firavaka tsara tarehy ny fahendrena sy fahiratan-tsaina omen’Andriamanitra (Oh 3:21, 22; 4:7-9) ary ny teny mahafinaritra. (Sl 45:2; Oh 22:11) Nampirisihina hamita ny tempoly i Zerobabela, rehefa nody ny Jiosy babo tany Babylona. Rehefa apetraka mantsy ny vato fametraka eny an-tampony, dia tsy maintsy ‘hihoby ny olona hoe: “Tena tsara tarehy [heb.: hen] izy izany! Tena tsara tarehy mihitsy!”’​—Za 4:7.