LOHARANON’NY BIBILAVA BE

Io no nandikana ny teny hebreo midika hoe loharano na lavadranon’ny biby goavam-be iray an-tanety na an-dranomasina. Misy Baiboly mandika azy io hoe “loharanon’ny dragona.” (Prot., Kat., DIEM) Ny hafa kosa mandika azy io hoe “Loharanon’ny Bibilava Be.” (TV) “Loharanon’ny Hazo Aviavy” kosa no ao amin’ny Fandikan-teny Grikan’ny Fitopolo.

Nandalo an’io loharano io i Nehemia tamin’izy nizaha voalohany izay simba tamin’ny mandan’i Jerosalema. (Ne 2:12, 13) Io andinin-teny io ihany no ahitana an’ilay anarana, ka raha niresaka an’ilay loharano ny andinin-teny hafa dia tsy maintsy ho anarana hafa no niantsoany azy. Maro, ohatra, no milaza hoe anaran’izy io koa ny hoe En-rogela. Toa mitombina izany, na dia lavitra aza no misy an’i En-rogela, eny amin’ny farany ambany amin’ny Lohasahan’i Kidrona. Milaza fotsiny mantsy ilay fitantarana fa nandalo “tandrifin’ny Loharanon’ny Bibilava Be” i Nehemia, izany hoe, mety ho teo amin’ny zoron’ny manda mifanatrika amin’i En-rogela izy no nandalo, ka tazany lavitra ilay loharano.​—Jereo EN-ROGELA.