GASEMA

(Gasèma) [mety hidika hoe Oram-be Mivatravatra; Ranonorana].

Arabo izy, ary nanohitra an’i Nehemia izy sy Sanbala ary Tobia, rehefa naorina indray ny mandan’i Jerosalema. Naneso an-dry Nehemia aloha izy ireo (Ne 2:19), ary avy eo niray tetika hanisy ratsy azy, nefa tsy nahomby. (Ne 6:1-4) Farany, nanoratra ho an’i Nehemia i Sanbala hoe nampangain’i Gasema ho niray tetika hikomy izy sy ny Jiosy, ary hoe ho lasa mpanjakan’ny Jiosy, hono, izy. Tsy nahomby koa anefa io tetika io. (Ne 6:5-7) Toa to teny i Gasema, matoa naverin’i Sanbala ny teniny. Tsara homarihina fa nifandray tsara, hono, ny mpitondra tany Persa sy ny foko arabo, rehefa avy notafihin’i Persa i Ejipta.

Misy hoe Gashm, izay Gasema amin’ny fitenim-paritra, ny soratra hita tany Dedana fahiny any amin’ny ilany avaratr’i Arabia. Misy hoe Gasema kosa ny soratra aramianina eo amin’ny vilia baolina volafotsy iray hita tany Ejipta. Hoy izy io: “Izay nentin’i Kaino bar Gasema, mpanjakan’i Kedara, ho fanatitra ho an’i han-ʼIlat [andriamanibavy].”​—Gazety Momba An’i Israely sy ny Tany Manodidina Azy, 1956, Boky Faha-15, p. 2.