GIBETONA

(Gibetòna) [Lamosina; Dongon-tany].

Tanànan’ny fokon’i Dana tany am-boalohany (Js 19:40, 41, 44), fa nomena ny Kehatita tatỳ aoriana ka lasa tanànan’ny Levita. (Js 21:20, 23) Taonjato maro tatỳ aoriana, dia ny Filistinina no nifehy an’i Gibetona. Saika haka azy io i Nadaba mpanjakan’ny Israely saingy nikomy i Basa ka namono azy. (1Mp 15:27) Nofehezin’ny Filistinina i Gibetona, 24 taona teo ho eo tatỳ aoriana, rehefa nitoby mba hanafika azy ny tafik’Israely notarihin’i Omry. Nanao an’i Omry ho mpanjakany anefa ireo Israelita tao an-toby. Natsahatr’i Omry àry ilay fahirano an’i Gibetona fa lasa izy nanafika an’i Zimry, mpanjaka israelita nifandrafy taminy.​—1Mp 16:15-18.

Maro no milaza an’i Gibetona ho i Tell el-Melat (Tel Malot), tokotokony ho 9 km any avaratry ny toerana voalaza fa nisy an’i Ekrona tanànan’ny Filistinina.