GOBA

(Gôba).

Anaran-toerana. Indroa ny olon’i Davida no nahafaty mpiady goavam-ben’ny Filistinina tao. (2Sa 21:18, 19) Mitantara an’ireo zava-nitranga ireo koa ny 1 Tantara 20:4, 5. Voalaza ao fa ilay fanafihana voalohany dia tao “Gazera” (“Gata” ao amin’ny Fandikan-teny Grikan’ny Fitopolo sasany sy ao amin’ny Peshitta syriàka). Tsy voalaza kosa ny toerana nitrangan’ilay fanafihana faharoa. Samy mitantara ireo andininy ireo fa nisy ady fahatelo nitranga tao “Gata” (2Sa 21:20; 1Ta 20:6), ka izany no ilazan’ny manam-pahaizana maro fa fahadisoan’ireo mpanao dika soratra ny hoe “Goba”, fa “Gata” no tokony ho eo. Misy indray anefa milaza fa tsy afaka ny hisy diso indroa ny andininy mifanarakaraka, ka mety ho toerana iray tany akaikin’i Gazera io Goba io, saingy tsy fantatra hoe taiza ho aiza.