GOLOTA-MAIMA

(Golòta-màima) [Dobo (Deboka) Misy Rano].

Toerana nangatahin’ny zanakavavin’i Kaleba tamin’ny andro nanambadiany an’i Otniela. (Js 15:17-19; Mpts 1:13-15) “Loharano” no nandikan’ny Baiboly maro ny hoe Gollôt mayim, ary ‘loharano ambony sy loharano ambany’ no nandikany ny hoe “Gollôt Ambony” sy “Gollôt Ambany.” (Jereo Prot., Kat., DIEM.) Tsara homarihina fa tsy “loharano” fotsiny no tian’ny zanakavavin’i Kaleba hangatahina tamin-drainy, fa “saha” araka ny Josoa 15:18. Adikan’ny Baiboly sasany hoe “toerana azon-drano tsara” àry ny hoe Gollôt mayim. (Kx; jereo koa Fi.) Misy manam-pahaizana tsy mandika an’ilay teny fa ireo litera hebreo fotsiny no nadikany hoe “Golota-maima.” (TV) Tsy fantatra ny tena toerana nisy azy io.​—Jereo DEBIRA No. 2.