IBLEAMA

(Ibleàma) [mety ho avy amin’ny fototeny midika hoe “mitelina”].

Tanàna tao amin’ny faritanin’i Isakara. Nomena ho an’ny fokon’i Manase anefa izy io sy ny tanàna niankina taminy. Tsy noroahin’ny Manasita ny Kananita nipetraka tao. (Js 17:11-13; Mpts 1:27) Toa i Ibleama ihany ilay Bileama tao amin’ny faritanin’i Manase, izay nomena ho an’ny Levita Kehatita. (1Ta 6:70) “Gata-rimona” fa tsy “Bileama” na “Ibleama” anefa no ao amin’ny Josoa 21:25, izay mitanisa koa an’ireo tanànan’ny Levita tao amin’ny faritanin’ny antsasaky ny fokon’i Manase. Lazaina fa fahadisoan’ny mpanao dika soratra izany. Mety ho ilay “Gata-rimona” any Dana, eo amin’ny andininy faha-24, no naverin’izy ireo tsy nahy teo.

Misy milaza an’i Ibleama ho i Kirbet Belʽameh, tokotokony ho 18 km any atsimo atsimoatsinanan’i Megido.

Tany akaikin’i Ibleama i Ahazia mpanjakan’ny Joda no nasain’i Jeho novonoina. (2Mp 9:27) Tatỳ aoriana, dia nifarana ny tarana-mpanjaka avy tamin’i Jeho rehefa nisy namono tao Ibleama i Zakaria (LXX fanontana Lagarde).​—2Mp 15:10-12, TV, DIEM.