ANDIA-MIARAMILA ITALIANINA

Andiany tao amin’ny tafika romanina nisy an’i Kornelio, izay tao Kaisaria. “Manamboninahitra tao amin’ilay nantsoina hoe Andia-miaramila Italianina” i Kornelio. (As 10:1) Eo ihany no iresahan’ny Baiboly an’io andiany io. Mety ho andiany kely izy io, satria nisy miaramila 600 teo ho eo raha be indrindra, izany hoe ampahafolon’ny andian-tafika romanina iray. Italianina nilatsaka an-tsitrapo ho miaramila angamba izy ireo, ary olom-pirenena romanina satria olona afaka na nomena fahafahana.

Tsy voalaza hoe tao Kaisaria ilay Andia-miaramila Italianina, fa hoe tao ny tranon’i Kornelio, manamboninahitra.​—As 10:1, 2, 22, 24.