ITAHY

(Itàhy) [mety ho fanafohezana ny hoe Itiela].

1. Miaramila gatita, izany hoe mety ho avy any Gata, tanàna filistinina. Tsy nivadika tamin’i Davida mihitsy izy. Rehefa nandositra niala tao Jerosalema i Davida sy ny mpanompony noho ny fikomian’i Absaloma, dia nisy 600 lahy ny Gatita nanaraka azy, anisan’izany i Itahy. Nasain’i Davida nijanona tao an-tanàna izy, nefa tsy nety mihitsy. Hoy izy: “Raha mbola velona koa i Jehovah, ary raha mbola velona koa ny mpanjaka tompoko, dia any amin’izay hisy ny mpanjaka tompoko no hisy ny mpanomponao koa, na ho faty na ho velona!” Navelan’i Davida hiaraka taminy àry i Itahy.​—2Sa 15:18-22.

Rehefa avy nanisa ny miaramilany i Davida dia samy notendreny ho lehiben’ny ampahatelon’ny tafiny i Itahy (tsy Israelita) sy Joaba ary Abisay.​—2Sa 18:2, 5, 12.

2. Zanakalahin’i Ribay avy any Gibean’i Benjamina, ary anisan’ny lehilahy mahery tao amin’ny tafik’i Davida.​— 2Sa 23:29; 1Ta 11:26, 31.