JIZARA

(Jizàra).

Anarana mitovitovy anankiroa amin’ny teny hebreo no nadika hoe Jizara.

1. Yitshar. Iray amin’ireo efa-dahy zanak’i Kehata, ary ny anarany no voatonona faharoa. Zafikelin’i Levy àry izy. (Ek 6:16, 18; No 3:17, 19; 1Ta 6:2, 18) Iray amin’ireo telo lahy zanak’i Jizara i Kora, ilay ringana tany an-tany efitra noho ny fikomiana.​—Ek 6:21; No 16:1, 32.

I Jizara no razamben’ny fianakaviana levita nantsoina hoe Jizarita. (No 3:27) Nisy Jizarita notendren’i Davida Mpanjaka ho mpihira sy mpiadidy ary mpitsara, fa ny hafa kosa nanao ny fanompoana mahazatra fanaon’ny Levita. I Selomita no filohan’ny Jizarita.​—1Ta 6:31-38; 23:12, 18; 24:20-22; 26:23, 29; jereo AMINADABA No. 2.

2. Yitshar (mifanaraka amin’ny Vg). Taranak’i Joda izy, sady zanakalahin’i Asora sy Hela. (1Ta 4:1, 5, 7) Zohara no nanoratana an’io anarana io eo an-tsisim-pejin’ny soratra nataon’ny Masoreta.