JASONA

(Jasôna) [mety ho avy amin’ny fototeny midika hoe “manasitrana”].

Kristianina be mpahalala tany Tesalonika. Izy no “nampiantrano” an’i Paoly sy Silasy, tamin’izy ireo nankany Makedonia voalohany. Be fialonana ny Jiosy ka tonga tao an-tranon’i Jasona mba haka an’i Paoly sy Silasy. Tsy nahita azy roa lahy tao anefa izy ireo, ka i Jasona no nentiny ary nampangainy ho nitarika ny olona hikomy tamin’i Kaisara. Navelan’izy ireo handeha ihany i Jasona sy ireo niaraka taminy rehefa nanome “vola antoka.”​—As 17:5-10.

Anisan’ireo nanao mampamangy koa i Jasona tao amin’ny taratasy nosoratan’i Paoly ho an’ny Romanina. Tany Korinto i Paoly no nanoratra an’io taratasy io, tamin’ny diany faharoa namakivaky an’i Makedonia sy Gresy. (Ro 16:21) Raha ity Jasona ity ihany ilay tany Tesalonika, dia angamba izy nankany Korinto niaraka tamin’i Paoly. Nantsoin’i Paoly hoe “havako” izy. Ilay teny grika nampiasainy eo dia mety hidika hoe mpiray tanindrazana izy ireo, nefa ny tena dikany dia hoe “havana iray ra sady miara-belona.” Raha havan’i Paoly tokoa izy, dia tena izy ilay nampiantrano an’i Paoly tany Tesalonika.