FIVAVAHANA JIOSY

Nisy tsy nifototra tamin’ny Soratra Hebreo ny fampianaran’ny Fivavahana Jiosy (Ga 1:13, 14), tamin’ny taonjato voalohany. Nisy antoko roa lehibe teo anivon’izy io, dia ny Sadoseo sy ny Fariseo. Tsy nino ny fisian’ny anjely ny Sadoseo, ary tsy nino ny fampianaran’ny Baiboly hoe hitsangana ny maty. (Mr 12:18-27; As 23:8) Ny Fariseo kosa nino izany (As 23:6-9), saingy nataony tsy nanan-kery ny Tenin’Andriamanitra noho ny fomban-drazany maro be. (Mt 15:1-11) Sarotra tamin’ny maro ny nanaiky an’i Kristy noho ireny fomban-drazana ireny, fa tsy noho ny Lalàna izay toy ny mpitaiza nitarika ho amin’i Kristy. (Ga 3:24) Tsara sy masina ny Lalàna (Ro 7:12), fa ny fampianarana nifandovan’ny olombelona kosa nanandevo ny Jiosy. (Kl 2:8) Nanenjika mafy an’ireo Kristianina i Saoly (Paoly), noho izy fatra-panaja ‘ny fampianarana nolovany avy tamin’ny razany.’​—Ga 1:13, 14, 23; jereo FARISEO; SADOSEO.