TOERAM-PITSARANA

Lampihazo avoavo teny an-kalamanjana, ary nisy tohatra. Teo ny manam-pahefana no nipetraka rehefa nikabary sy namoaka didim-pitsarana. (Mt 27:19; Jn 19:13; As 12:21; 25:6, 10, 17) Vita tamin’ny marbra fotsy sy manga ilay toeram-pitsarana (antsoina hoe bema) noheverina fa nitondrana an’i Paoly teo anatrehan’i Galio, tany Korinto. (As 18:1, 12, 16, 17) Nisy efitra fiandrasana roa nasiana sezalava vita tamin’ny marbra teo amin’ny andaniny roa, ary voaravaka vato samihafa loko ny gorodona.

Nankinin’i Jehovah Andriamanitra tamin’ny Zanany ny fitsarana rehetra (Jn 5:22, 27), ka tsy maintsy hiseho eo anatrehan’ny “fitsaran’i Kristy” na ny toeram-pitsarany, ny rehetra. (2Ko 5:10) “Fitsaran’Andriamanitra” na toeram-pitsaran’Andriamanitra koa anefa ilay izy, satria i Jehovah no nanendry ny Zanany ho mpitsara hisolo tena Azy.​—Ro 14:10.