LAISY

(Laìsy) [Liona].

1. Lehilahy avy any Galima, ary rain’i Palty (Paltiela). Nomen’i Saoly ho vadin’i Palty i Mikala zanany vavy, nefa efa vadin’i Davida izy io.​—1Sa 25:44; 2Sa 3:15.

2. Tanàna kananita tany amin’ny faritra avaratra, ary nantsoina koa hoe Lesema. (Js 19:47) Noravan’ny Danita izy io, nefa naoriny indray avy eo ka nataony hoe Dana.​—Mpts 18:27-29; jereo DANA No. 3.

3. Tanàna tao amin’ny tanin’i Benjamina. Nilaza i F.-M. Abel fa i ʽIsaviya izy io, tokony ho 2,5 km any avaratra avaratratsinanan’ny tendrombohitra nisy ny tempolin’i Jerosalema. (Jeografian’i Palestina, frantsay, Paris, 1938, Boky II, p. 368) Naminany i Isaia fa hanafika isan-tanàna ny Asyrianina, ka nilaza tamin’i Laisy i Isaia mba ‘hihaino’ fa ho avy ny mpanafika.​—Is 10:30.