LYKAONIA

(Lykônìa).

Faritra iray tany Azia Minora, ary fiteny lykaonianina no nampiasain’ny olona tany. (As 14:6-11) Niovaova be foana ny sisin-tanin’i Lykaonia, sady tsy tena voafaritra tsara. Tamin’ny fotoana niresahan’ny Baiboly an’i Lykaonia, dia tany amin’ny ilany atsimon’i Galatia, faritany romanina, no nisy azy io, ka i Pisidia sy Frijia no tany andrefana, i Kapadokia no tany atsinanana, ary i Kilikia no tany atsimo. Toerana lemaka tsy misy ala sy zara raha misy rano izy io ankehitriny. Azo inoana anefa hoe namokatra ihany io faritra io fahiny, ary azon’ny andian’ondry niraofana ahitra.

Nankany Derbe sy Lystra, izay samy tanànan’i Lykaonia, ny apostoly Paoly tamin’ny dia misionera voalohany sy faharoa nataony. Nijanona tany koa angamba izy tamin’ny dia misionera fahatelo nataony, tamin’izy “nitety ny faritr’i Galatia.”​—As 14:6, 20, 21; 16:1; 18:23.