MEONENIMA, HAZOBEN’I

(Meônenima) [Ireo Mpampiasa Herin’ny Maizina].

Hazo tazana avy teo Sekema. Nisy antoko-miaramilan’i Abimeleka Mpanjaka nandalo teo, talohan’ny hiadiany tamin’ny mponina tao Sekema. (Mpts 9:34-37) Ny teny hebreo hoe ʼelôhn meʽôhnenim no nadika hoe “hazoben’i Meonenima.” Midika hoe hazobe ny hoe ʼelôhn, ary midika hoe “mpampiasa herin’ny maizina” kosa ny hoe meʽôhnenim. (Jereo De 18:14.) Nampiasa herin’ny maizina teo amin’ilay hazo ny Kananita na ny Israelita nivadi-pinoana ka izay no mety ho nahatonga ilay anarany. Misy manam-pahaizana milaza fa ny “hazoben’i Meonenima” ihany “ireo hazoben’i More”, izay voalaza koa fa tany akaikin’i Sekema.​—Ampit. Ge 12:6; 35:4; Mpts 9:6.