MERARY

(Meràry) [avy amin’ny fototeny midika hoe “mangidy”].

Zanakalahin’i Levy sady rahalahin’i Gersona (Gersoma) sy Kehata. (Ge 46:11; 1Ta 6:1, 16) I Merary no voatonona fahatelo amin’ireo zanakalahin’i Levy, ka mety ho izy no zandriny indrindra. Anisan’ireo olona 70 tao amin’ny ankohonan’i Jakoba “tonga tany Ejipta” i Merary. (Ge 46:8, 11, 26, 27) Roa lahy ny zanany, dia i Maly sy Mosy. (Ek 6:19; 1Ta 6:19) Izy no razamben’ny Merarita, iray amin’ireo fianakaviana levita telo lehibe indrindra.​—No 26:57.