MERI-BALA

(Mèri-bàla) [mety hidika hoe Miady Amin’i Bala; na Miaro Tena any Amin’ny Fitsarana i Bala].

Zafikelin’i Saoly Mpanjaka, ary zanak’i Jonatana sady rain’i Mika. (1Ta 8:33, 34) Toa anarana hafa iantsoana an’i Mefiboseta ny hoe Meri-bala. Manana anarana roa toy izany koa, ohatra, i Esbala, izay sady antsoina koa hoe Isboseta.​—Ampitahao 2Sa 2:8 sy 1Ta 8:33.

Indroa miseho ao amin’ny 1 Tantara 9:40 ny anarana hoe Meri-bala, saingy misy tsy fitoviana kely ny nanoratana azy ireo amin’ny teny hebreo: Meriv baʽal sy Merivaʽal. Hita ao amin’ny 1 Tantara 8:34 koa ilay hoe Meriv baʽal. Voalaza fa nanana zanakalahy atao hoe Mika (heb.: Mi kaʼ) i Mefiboseta, ary nanana zanakalahy atao hoe Mika (heb.: Mi ka) koa i Meri-bala. Olona iray ihany ireo Mika ireo, saingy misy tsy fitoviana kely koa ny nanoratana ny anaran’izy ireo amin’ny teny hebreo.​—Ampitahao 2Sa 9:12 sy 1Ta 9:40.