METALY

Misy 100 mahery ny singa simika fantatry ny olombelona, ary maherin’ny 75 isan-jaton’ireo no metaly. Voatonona mivantana ao amin’ny Baiboly ny volamena, volafotsy, varahina, vy, ary firamainty. Ny Genesisy 2:11 sy ny 4:22 no miresaka voalohany momba ny metaly.

Tsy tantera-pahazavana ny metaly sady mety mitsonika ary azo tefena. Mamiratra izy io, ary matetika no afaka mampita hafanana sy herinaratra. Misy zavatra mampiavaka azy ny metaly samihafa, rehefa dinihina amin’ny siansa fizika sy simia. Raha te hahazo fanazavana amin’ny an-tsipiriany sy hahita andinin-teny miresaka momba ireo metaly samihafa, dia jereo ny lahatsoratra momba an’ireo metaly voatonona etsy aloha. Jereo koa ilay lahatsoratra hoe MANADIO SY MANDRENDRIKA METALY.