METEGA-AMA

(Metèga-àma) [Lamboridin’i Ama (mety hidika hoe Hakiho)].

Toerana nalain’i Davida Mpanjaka avy tamin’ny Filistinina. (2Sa 8:1) Mety ho anarana an’ohatra ilazana tanàna lehibe iray tany Filistia ny hoe Metega-ama, satria tsy misy toerana manokana fantatra amin’io anarana io. Andininy mifanitsy amin’io ny 1 Tantara 18:1, ka “i Gata sy ny tanàna miankina aminy” no ao. Misy mihevitra fa avy amin’ny teny hebreo midika hoe “reny” ilay hoe “ama”, ka tsy Metega-ama no hita ao amin’ny Baiboly sasany fa hoe “ny fanapahana ny renivohitra” (Prot.), “ny fitondrana ny renivohitr’izy ireo” (Kat.), “ny fifehezan-drenivohitra” (DIEM).