DONGON-TANY

Zavatra iray nampiavaka an’i Jerosalema fahiny, ka mety ho voajanahary izy io na namboarin’olombelona. (2Sa 5:9; 1Mp 9:15, 24; 11:27; 2Mp 12:20; 1Ta 11:8; 2Ta 32:5) Nadika hoe “Milo” ilay teny hebreo nadika hoe “Dongon-tany” (millôhʼ) ao amin’ny Mpitsara 9:6, 20.​—Jereo MILO.

Tsy fantatra ankehitriny na voajanahary na namboarin’olombelona ilay Dongon-tany. Mety ho anisan’ny zavatra naorina mba hahatonga ny tanàna ho voaro mafy izy io, satria miresaka momba ny “trano teo amin’ny Dongon-tany” ny 2 Mpanjaka 12:20. Toa tao amin’ny Tanànan’i Davida na teo amin’ny sisin’ilay tanàna no nisy azy io, satria nanonona azy io niaraka tamin’ny Tanànan’i Davida ny 2 Samoela 5:9 sy ny 2 Tantara 32:5.