VOANJOALA

[Heb.: ʼegôhz].

Nidina tany amin’ny “saha feno voanjoala” ilay tovovavy solemita. (To 6:11) Mety ho hazo noaie (Juglans regia) (toy ny voanjo ny voany) ilay voanjoala eo. Avy any amin’ny faritra atsimoatsinanan’i Eoropa sy andrefan’i Azia ny noaie, ary ambolena any Galilia sy eny an-tehezan-tendrombohitr’i Libanona sy Hermona izao. Betsaka azy ny moron’ny Ranomasin’i Galilia tamin’ny taonjato voalohany, hoy i Josèphe, Jiosy mpahay tantara. (Ny Adin’ny Jiosy, III, 516, 517 [x, 8]) Tsara tarehy ny noaie, mahatratra 9 m ny haavony, ary manalokaloka tsara ny raviny manitra. Tian’ny mpanao fanaka ilay hazo malamalama tsara tarehy. Misy zavatra simika atao hoe tanin ny fonon’ny voany, ka manome loko volontsôkôlà rehefa tanehina. Be mpitia ny voany fa tsara tsiro, ary ahazoana menaka tsy dia mifankaiza amin’ny menaka oliva rehefa fiazana.