TANÀNAN’NY MPISORONA

Toeram-ponenan’ireo mpisorona taranak’i Arona sy ny fianakavian’izy ireo tao amin’ny Tany Nampanantenaina. Nomena ho an’ny mpisorona taranak’i Kehata ny 13 tamin’ireo tanàna 48 nomen’ny fokon’ny Israely ho an’ny fokon’i Levy (Js 21:1-42; 1Ta 6:54-81), ka avy tamin’ny fokon’i Joda sy Simeona ny 9, ary avy tamin’i fokon’i Benjamina ny 4. “Koa ny tanàna rehetran’ny mpisorona taranak’i Arona, dia tanàna telo ambin’ny folo mbamin’ny kijanany.” (Js 21:4, 9-19) Ireto avy izany: Hebrona (tanàna fialokalofana), Libna, Jatira, Estemoa, Holona (mety ho i Hilena), Debira, Aina (Asana), Jota, Beti-semesy, Gibeona, Geba, Anatota, ary Almona (Alemeta). Hita ao amin’ny 1 Tantara 6:54-60 daholo ireo, afa-tsy i Jota sy Gibeona.

Novorin’i Davida ireo mpisorona avy tany amin’ny tanàna samihafa, rehefa hampiakatra ny Vata masin’i Jehovah tao Jerosalema izy. (1Ta 13:1-5) Nisy lehilahy notendrena hizara ny anjara hanin’ireo mpisorona rahalahiny nonina tany amin’ny tanànan’ny mpisorona, tamin’ny andron’i Hezekia Mpanjaka.​—2Ta 31:11-19.