SAMOTRAKIA

(Samôtrakìa) [mety hidika hoe Samo any Thrace].

Nosy be tendrombohitra eo avaratratsinanan’ny Ranomasina Égée. Samotrakia koa no anaran’ny tanàna iray eo amin’ny ilany avaratr’ilay nosy. Tamin’ny dia misionera faharoa nataon’i Paoly (lohataonan’ny taona 50 angamba), dia “nanitsy nankany” Samotrakia ny sambo nandehanany avy tao Troasy, any avaratrandrefan’i Azia Minora. Tsy milaza ilay fitantarana hoe nidina an-tanety izy. (As 16:11) Tsy manana seranana tsara ilay nosy ankehitriny (Samothraki), nefa maromaro ihany ny toerana azo iantsonana any.