SALAMANA

(Salamàna) [avy amin’ny fototeny midika hoe “mihavana; manonitra; mamaly izay natao”].

Ilay nandroba ny tranon’i Arbela. Notononin’i Hosea ny anaran’izy io, tamin’izy naminany fa hisy loza hanjo ny fanjakan’ny Israely tany avaratra. Marina fa tsy misy andininy hafa miresaka momba an’i Salamana sy Arbela. Mbola tsaroan’izay nihaino an’i Hosea angamba anefa izy ireo, matoa izy niresaka momba azy ireo.​—Ho 10:14.

Misy soratra nataon’i Tiglato-pilesera III hita teo amin’ny trano iray. Noresahiny tao ny momba an’i Salamano, andriana tany Moaba. Tsy resahin’ny tantara anefa hoe nandroba tany Israely izy io.​—Soratra Momba An’i Israely sy ny Tany Manodidina Azy, nataon’i J. Pritchard, 1974, p. 282.

Heverina àry fa fanafohezana ny hoe “Salmanesera” (anaran’ny mpanjaka dimy tany Asyria) ny hoe Salamana. Azo inoana fa i Salmanesera Faha-5 ilay voaresaka eto. Izy mantsy no nanafika an’i Israely ka nanao fahirano an’i Samaria, tany amin’ny faramparan’ny fotoana naminanian’i Hosea.