SALEFA

(Salèfa).

Iray amin’ireo zanakalahin’i Joktana, ary ny anarany no voatonona faharoa. Anisan’ny razamben’ireo fianakaviana velona taorian’ny Safodrano izy. (Ge 10:26; 1Ta 1:20) Hita ao amin’ireo asa soratra sabeanina (talohan’ny taonjato fahafito T.K.) ny anarany amin’ny teny arabo. Voaresaka ao ny faritr’i Salaf na Salif, any Yémen. Mety ho avy amin’ny hoe Salefa koa ny hoe Solaf, anaran-toerana any amin’ny 100 km eo ho eo avaratr’i Sanʼa, renivohitry ny Repoblikan’i Yémen. Asehon’ireo anarana ireo fotsiny anefa hoe taiza no nanorim-ponenana ny taranak’i Salefa.