STAKITE

(stakitè).

Anisan’ny zava-manitra nanaovana ny emboka manitra nampiasaina tao amin’ny toerana masina ny ditin-kazo stakite (heb.: nataf). (Ek 30:34) “Mitete” no dikan’ny matoanteny avy amin’io teny hebreo io. (Mpts 5:4) Ny Fandikan-teny Grikan’ny Fitopolo kosa nandika azy io hoe stakte (“menaka miora”), avy amin’ny matoanteny grika hoe stazô (“mitete”). Menaka manitra mitete avy amin’ny hazo misy ditiny àry ny stakite. Ny Vulgate latinina indray manao hoe stacte.

Tsy tena fantatra hoe inona ilay hazo manome an’io dity io, fa mety ho hazo tatsinanana manome ditiny manitra (Liquidambar orientalis) na hazo manome dity mastika (Pistacia lentiscus) ilay izy.