FITATERANA

Zavatra na fitaovana ivezivezena. Arakaraka ny toerana halehan’ny olona na hitondrany entana na ny toe-bolany ny fitaterana nampiasaina fahiny.

Hanin’ny rameva izay zavamaniry any an-tany efitra, ary vitany ny tsy misotro rano ela be. Fitaterana nety tsara tany amin’ny faritra karakaina àry ny rameva. Nitaingenan’ny olona sy nitaterana entam-barotra izy io. (Ge 37:25-28; Mpts 6:3-5; 7:12; 1Mp 10:2) Nitaingenan’ny olona na nitondrana entana koa ny ampondra (Js 15:18; Mpts 5:10; 10:4; 12:14; 1Sa 25:42; Is 30:6), ramole (1Mp 1:33), ary soavaly (1Mp 4:26; As 23:23, 24, 31-33). Be mpandeha koa ny sambo. (2Ta 9:21; Ezk 27:9; Jo 1:3; As 20:13-15; 27:1-44) Nitaterana entana sy olona ny sarety. (Ge 46:5; No 7:1-9) Kalesy na farafara (voaravaka indraindray) no nitondrana mpanjaka na olona ambony. (2Mp 10:15; To 3:6-10; As 8:26-31) Nandeha an-tongotra kosa ny sarambabem-bahoaka.​—Lk 24:13-15; jereo FAMPITAM-BAOVAO; FANDRIANA; KALESY; LALANA; SAMBO; SARETY.