TOBALA-KAINA

(Tobàla-kaina).

Zanakalahin’i Lameka tamin’i Zila, vadiny faharoa. Taranak’i Kaina izy noho izany, ary rahalahin’i Jabala sy Jobala tsy iray reny taminy. Nanana anabavy nantsoina hoe Nama izy. (Ge 4:17-22) “Mpanefy ny karazam-pitaovana rehetra vita amin’ny varahina sy vy” izy. Mety hidika izany fa izy no namorona ireny fitaovana ireny, na izy no namorona an’io asa io, na koa izy no nisongadina tamin’io sehatr’asa io.