KOFEHY ATAO TENANY

Ireo kofehy mitsangana manaraka ny lavan’ny fitaovam-panenomana. Fahany kosa no iantsoana an’ireo kofehy mifanapaka amin’ny kofehy tenany, izay atao mifampidipiditra aminy. Nojeren’ny mpisorona israelita ny kofehy (tenany sy fahany) tamin’ny akanjo notenomina nahiahina ho nisy habokana.​—Le 13:47-59; jereo FANENOMANA; HABOKANA (Tamin’ny akanjo sy trano).

Tapahin’ny mpanenona ny kofehy tenany ary esoriny ny lamba rehefa voatenona. Ny kofehy tenany mifatotra amin’ny hazon-tenona sisa avela eo amin’ilay hazo. Niresaka an-kolaka momba izany i Hezekia Mpanjaka, rehefa nahatsiaro ny fotoana naharariany mafy. Nilaza izy fa toy ny hoe ‘hotapahina hiala amin’ny kofehy tenany’ izy, satria noheveriny fa hofaranan’Andriamanitra tampoka ny fiainany.​—Is 38:9-12.