HAZOMALAHELO

[Heb.: tsaf·tsafah].

Safsaf no ilazan’ny Arabo ny hoe tsaf·tsafah (heb.) na hazomalahelo. Misy karazany roa any Israely: Ny iray antsoina hoe Salix alba, ary ny iray hoe Salix acmophylla izay tena fahita any.

Ny Ezekiela 17:5 ihany no ahitana hoe tsaf·tsafah. I Zedekia ilay ‘voa tao amin’ilay tany’ voalaza ao hoe nambolen’ny mpanjakan’i Babylona toy ny ‘hazomalahelo teo amoron’ny rano be.’ Eny amoron’ny renirano sy rano marivo ary amin’ny toerana mandomando no misy hazomalahelo. Tahony na laingony kely no ambolena ka mitsimoka sy maniry haingana. Tsy dia avo toy ny hazo aravaha izy, ary mitsitokotoko eny amoron-drano matetika. Tsara tarehy erỳ ny hazomalahelo amin’izato raviny lava manify mikirazorazo avy eo amin’ny tahony sy sampany marotsaka.