ZERA

(Zèra).

[1-6: mety ho fanafohezana ny hoe Zerahia]

1. Lehibem-poko edomita. Zanakalahin’i Regoela izy, ary zafikelin’i Esao sy Basemata zanakavavin’i Ismaela. (Ge 36:3, 4, 13, 17; 1Ta 1:37) Mety ho izy ihany ilay No. 2.

2. Rain’i Jobaba, mpanjaka edomita faharoa. Avy any Bozra izy. (Ge 36:33; 1Ta 1:44) Mety ho izy ihany ilay No. 1.

3. Zanak’i Joda sy Tamara. Kambana izy sy Pereza rahalahiny. (Ge 38:27-30; Mt 1:3) Anisan’ny ‘niaraka tamin’i Jakoba nankany Ejipta’ i Zera. (Ge 46:12, 26) Lasa rain’ny fianakaviambe teo amin’ny fokon’i Joda (No 26:20) ny zanany lahy dimy. (1Ta 2:4, 6) Anisan’ireo fianakaviambe ireo i Akana (Js 7:1, 17, 18, 24; 22:20), ny roa tamin’ireo lehiben’ny tafik’i Davida (1Ta 27:11, 13), ary ny mponina sasany tao Jerosalema taorian’ny sesitany (1Ta 9:3, 6; Ne 11:22, 24).

4. Zanakalahin’i Simeona, ary razamben’ny fianakaviana iray tao amin’ilay foko. (1Ta 4:24; No 26:12, 13) Izy ihany ilay Zohara resahin’ny Genesisy 46:10 sy Eksodosy 6:15.

5. Taranak’i Gersona (Gersoma), zanakalahin’i Levy. (1Ta 6:16, 20, 21; ampit. Ge 46:11.) Mety ho izy ihany ilay resahin’ny 1 Tantara 6:41.

6. Etiopianina na Kosita nitondra miaramila iray tapitrisa sy kalesy 300 hanafika an’i Joda, tamin’ny andron’i Asa Mpanjaka (967 T.K.). Nandositra ilay tafiny lehibe fa resy, ka nenjehin-dry Asa “hatrany Gerara” ary naripany. (2Ta 14:1, 9-15) Tsy tena fantatra hoe iza tamin’ireo mpitondra ejipsianina na etiopianina io Zera io.

7. Tanàna voaro mafy tao amin’ny faritanin’i Naftaly. (Js 19:32, 35) Tsy fantatra ny toerana nisy azy io.