ZIKLAGA

(Ziklàga).

Tanànan’ny Simeonita tafiditra tao amin’ny faritanin’i Joda tany atsimo. (Js 15:21, 31; 19:1, 2, 5; 1Ta 4:24-30) Lasa nofehezin’ny Filistinina anefa izy io tatỳ aoriana. Tamin’i Davida nandositra, dia nomen’i Akisy mpanjakan’i Gata azy mba honenany i Ziklaga (ary lasa fananan’ny mpanjakan’ny Joda izy io tatỳ aoriana). (1Sa 27:6) Notafihin’ny Amalekita ilay tanàna ary nodorany, ka lasany babo hatramin’ny vadin’i Davida, dia i Ahinoama sy Abigaila. Resin’i Davida anefa ireo mpandroba ary azony indray ireo olona sy zavatra nobaboina tao Ziklaga. Nandefasan’i Davida tamin’ny zavatra nobaboiny ireo namany anti-panahin’i Joda tany amin’ny tanàna maromaro. (1Sa 30) Maro ny lehilahy mahery nitam-piadiana tonga tany amin’i Davida tany Ziklaga, ary tany izy no nandre vaovao momba ny nahafatesan’i Saoly Mpanjaka. (2Sa 1:1, 2; 4:10; 1Ta 12:1, 2, 20-22) Taorian’ny sesitany tany Babylona, dia nisy taranak’i Joda nonina tao Ziklaga. (Ne 11:25, 28) Samy manana ny filazany momba ny toerana nisy an’i Ziklaga ny olona, fa i Y. Aharoni sy ny manam-pahaizana hafa kosa mihevitra azy io ho i Tell esh-Shariʽah (Tel Seraʽ), tokotokony ho 7 km any atsinanan’i Gerara, ary 22 km any avaratrandrefan’i Beri-sheba.