Ny tombon-tsoa azo avy amin’ny fianarana ny raharaham-pitoriana
MILAZA NY FINOANY IZY
● Tany Pays-Bas, nandritry ny lesona momba ny Baiboly tany an-tsekoly, dia nangataka tamin’ny mpampianatra azy ity zazavavy iray, nanao hoe: “Mba azonao resahina aminay kely ve Ramose ny mikasika ireo vavolombelon’i Jehovah?” Noho ny fahafantaran’ilay mpampianatra fa vavolombelon’i Jehovah ny iray amin’ireo mpianany no sady afaka hamaly tsara kokoa noho izy io fanontaniana io, dia niangavy io zazavavy, vavolombelon’i Jehovah io izy mba hanome fanazavana ny momba izany mandritry ny dimy ambin’ny folo minitra. Nihaino tamim-pitandremana fatratra ny lakilasy iray manontolo. Andro vitsivitsy taty aoriana, dia nangataka ilay zazavavy mba hanome fanazavana hafa indray ilay mpampianatra. Nanaiky tamim- pifaliana razazavavy. Telopolo minitra no namoaboasany ny lahateny kely nataony ary narahina ady hevitra nanetrahana fanontaniana sy ny nanomezana valiny nandritry ny dimam-polo minitra izany. “Na dia fohy ihany aza ny fotoana nahafahako niomana, hoy ny fitantaran’ilay zazavavy, dia noraisiko ny Baiboliko ka nomeko ny fanazavana mikasika ny anarana hoe: ‘vavolombelon’i Jehovah’; avy eo aho dia nanazava ny hafatra izay torin’ireo vavolombelon’i Jehovah ary nolazaiko koa ny antony tokony ananan’ny olona fanantenana ny amin’ny fandaharan-javatra vaovaon’ ny fahamarinana. Nandritry ny fotoana nitenenako, dia nandray ny ventin-kevitra. tamin’ny taratasy kely ny mpampianatra sy ireo namako ao an-dakilasy ary avy eo dia nametraka fanontaniana maro tamiko izy ireo. Nisy zazavavy iray nitantara tamin’ny reniny, ny zava-nitranga. Ankehitriny, dia mankany aminy isan-kerinandro aho mba hanome fanazavana mikasika ny Baiboly. Toy inona moa ny hafaliako amin’ ny hahafahako mamonjy tsy tapaka ny fianarana ny raharaham-pitoriana, satria tamin’ny fanatrehana izany no nahafahako nilaza ny finoako tamin’ny hafa!”
“BETSAKA NO TOKONY MBOLA IANARANA”
● Vavolombelon’i Jehovah iray mbola tanora any Oklahoma, no mitantara izao manaraka izao: “Raha nanomboka namonjy ny fivorian’ny vavolombelon’i Jehovah aho, dia toa tsy hitako loatra ny tombon-tsoa azo avy amin’ny fianarana ny raharaham- pitoriana. Noho izaho mandray anjara matetika amin’ny adi-hevitra sy ny lahateny izay atao ao amin’ny sekoly ambaratonga faharoa, dia efa zatra ny miteny ampahibe- maso aho. Kanefa, raha niteny voalohany tco anatrehan’ny olona maromaro ny mikasika ny Tenin’Andriamanitra aho, dia tsapan’ny tenako tokoa fa betsaka no tokony mbola ianarako. Zavatra roa samihafa tokoa ny hoe: miteny amim- pahatsorana sy amin-kafanampo foto-dresaka momba ny Baiboly sy ny mandray anjara amin’ny adi-hevitra. Matetika dia toa afeniko ny mpihaino aho ny ventin- kevitra izay iezahako hohazavaina aminy. Mba hanasitranana io fahalemeko io, dia nilaina ny nanaovako lahateny fohy tsy tapaka tao amin’ny fianarana ny raharaham-pitoriana, nandritry, ny efa-taona. Raha niezaka mafy tokoa ny mikasika ny fanononana aho, dia tsy nahatandrina zavatra iray hafa ka, dia fanintelony izao no voalaza eo amin’ny “Taratasy keliko misy toro-hevitra momba ny toriteny”, io fahalemana io. Tsy maintsy miasa tsara tokoa aho mba hanatsarako io zavatra io, ary tsapako fa niha mbola maharitra ihany izao fandehan-javatra ankehitriny izao, dia tsy ho azoko atao ny hanao hoe: Ho afaka tsy handray anjara amin’ny fianarana ny raharaham-pitoriana aho.’ ”
FAHATOKISANA SY FANDANJALANJANA
● Vavolombelon’i Jehovah iray mbola tanora sy mbola mandeha any an-tsekoly, izay nanome ny anarany tamin’ny faha- sivy taonany mba handray anjara amin’ny fianarana ny raharaham-pitoriana, no milaza izao manaraka izao: “Nandritry ny lesona fianarana teny anglisy, dia nangataka anay ny mpampianatra hilaza izay kasainay hatao mandritra ny andro tsy fianarana. Nikasa ny handray anjara indrindra amin’ny fanelezana manokana ireo gazety manazava ny Baiboly aho, io andro io; nanazava tamin’ireo mpianatra aho aloha ny amin’ny fomba hideranay ny voninahitr’i Jehovah Andriamanitra sy ny fampisehovana fitiavana ny namana amin’ny fandraisana anjara amin’ny raharaham- pitoriana isan-trano isan-trano. Tamin’izany no nitoriko tamin’ny lakilasy iray manontolo; taty aoriana dia niresaka manokana tamiko ilay mpampianatra ka nanontany ahy, nandritry ny fotoana naharitra, ny mikasika ny finoako. Nilaza tamiko izy fa ny asa enti-modiko no tsara indrindra raha ampitahaina amin’ny an’ireo mpianatra rehetra ampianariny; nolazainy koa fa tena mahafinaritra ny filamin’ny asako, izay mampiseho ny fahatokisana sy ny fandanjalanjana. Miaiky tokoa aho fa noho ny fanomanana sy ny fikarakarana ary ny toro-hevitra azoko tao amin’ny fianarana ny raharaham-pitoriana, no nahazoako izany fankasitrahana izany sy ny isa tsara indrindra amin’ny asa enti-modiko.”