Tsy maintsy tanteraka ny Tenin’Andriamanitra
Izao no nolazain’i Jehovah Andriamanitra tamin’i Abrahama: “Ary ny amin’Isimaela, dia efa nihaino anao Aho; indro, efa nitahy azy Aho ka hahamaro ny taranany sy hampitombo azy indrindra; hiteraka andriana roa ambin’ny folo izy, satria efa notendreko ho firenena lehibe.” (Gen. 17:20). Tokony ho telo ambin’ny folo taona tamin’izay Isimaela, zanakalahin’i Abrahama (Gen. 16:16; 17:1). Tsy nisy mihitsy olona ho afaka hilaza mialoha fa io zaza mbola tsy nanambady io dia ho tonga rain’ny filoha roa ambin’ny folo. Izany anefa no nataon’ny Mpamorona noho ny fahendreny lehibe. Ny filazana ara-tantara roa dia manamarina ny fahatanterahan’io fanambaran’Andriamanitra io ka manome lisitry ny filoha roa ambin’ny folo, izay toy izao ny anarany: Nebaiota, Kedara, Adbela, Mibsama, Misma, Doma, Masa, Hadada Tema, Jetora, Na fisy ary Kedema (Gen. 25:13-25; I Tant. 1:29-31). Endrey izany ohatra manaitra mampiseho fa tsy maintsy tanteraka ny teny faminanian’Andriamanitra!